【您支持TNR嗎?🐕🐈🐾🐶🐱】

好開心又同各位動保朋友見面,今次主力傾浪浪TNR(絕育放回),呢個亦係學社動保政綱嘅重要內容。

觸發點源於政府最近路環捉狗行動引發嘅爭議。過去16年(2003-2019),市政狗房總共啪咗8,700幾隻貓狗,呢啲冷冰冰數字都代表每一條寶貴生命。無可否認,冇一隻浪浪唔係無辜。政府一味無止境捕殺,絕對唔係辦法,亦只會令澳門同動物友善城市嘅目標漸行漸遠。

政府曾經做過8年(2007-2015)流浪貓TNR,先捕捉,再做絕育同打針,最後放回原居地或其它適合地點,期間每年貓貓人道毀滅數都徘徊非常低位。當大家一心希望將範圍擴展到狗狗,政府突然停咗計劃,結果一切倒退起點,單係今年頭6個月已經啪咗70隻貓貓。

提升動保同領養意識當然重要,但遠遠未夠,唯有從源頭管控繁殖量,再積極配合TNR嘅後續工作,尤其要補助動保團體培訓更多獲專業認可嘅社區人員或義工,做好放回之後嘅乾淨餵食、健康監察。我哋相信,長此落去,浪浪只會不斷自然減少,即使仲有,浪浪同人與社區嘅關係都可以更加融洽!