【「減輕旅客過多影響民生」唔係市民好很關心嘅辯題係乜?】

作為過度旅遊城市,發起針對旅客影響嘅辯論,幾乎係每個地方議會嘅基本責任。但澳門「與別不同」,商界連辯論都驚影響現狀、動搖既得利益;建制派扭盡六壬、雞蛋挑骨頭投反對。

事實上,呢個辯論動議大把嘢可以討論,討論內容亦可以好開放:澳門旅客係咪過多?澳門旅客量影響民生有幾大?有咩措施可以減輕現有影響?如果每個議員都「認真做好呢份工」,夠你激辯十個八個鐘啦。

飲食界議員(其實準確title係文化及體育界,雖然好多人已經唔記得)好似唔明咩叫做「討論辯論動議」。正如佢反對旅客過多、反對限制旅客量、反對反對社區分流,咁咪贊成辯論囉,到時開辯論會做個「稱職嘅反對派」就得啦。

「街坊」議員話議會資源有限,應該將時間「用到實處」,用喺市民「更關心嘅問題」,所以就抹殺議會公開辯論市民「好很關心嘅話題」。查實佢大可以投贊成,到時開辯論會再闡述一下點樣「叫社區街坊包容忍讓」嘅團體宗旨㗎。

仲有個話外國國會應該係辯論「應唔應該脫歐」、「應唔應該起邊境圍牆」、「應唔應該槍械管制」,雖然好多人都唔明同討論呢個動議有乜邏輯關係,但如果佢真係想喺澳門辯論「脫唔脫乜」、「起唔起牆」…,記得快啲自己提案喇喎。
————————
【表決結果】

「減輕旅客過多影響民生」辯論動議全文:
http://www.al.gov.mo/…/attac…/2019-03/818225c81d5234e91c.pdf

#贊成(6):蘇嘉豪(直)、高天賜(直)、區錦新(直)、宋碧琪(直)、施家倫(直) 、林玉鳳(直)

#反對(22):何潤生(直)、黃潔貞(直)、梁安琪(直)、麥瑞權(直)、鄭安庭(直)、李靜儀(直)、梁孫旭(直)、林倫偉(間)、李振宇(間)、葉兆佳(間)、陳亦立(間)、崔世昌(間)、崔世平(間)、陳澤武(間)、黃顯輝(間)、馬志成(委)、邱庭彪(委)、胡祖杰(委)、馮家超(委)、龐川(委)、柳智毅(委)、陳華強(委)

#缺席(4):吳國昌(直)、高開賢(間)、陳虹(間)、張立群(間)

#蘇嘉豪動議辯論
新澳門學社 New Macau Association
————————
【以正視聽:議會辯論不等於辯論比賽】
https://www.facebook.com/…/a.3599036041265…/1804080663042121