【若立心只有一種生活模式,就註定不被看好】9+2大灣區「一種生活模式」

大陸政策好講風向,以前興9+2泛珠,呢期又興9+2大灣,然後一堆人鸚鵡學舌、樂此不疲——論壇、開會、考察、聯歡、食飯、打籃球,通通前面加大灣區幾隻字。我冇乜興趣評論,但一直有靜心觀察。

唔好講澳門同香港係兩個世界,其實連廣東九市都各處鄉村各處例,呢啲唔知代表邊個嘅「青年代表」,仲話要努力將9+2打造成「一種生活模式」,係異想天開、不切實際,點睇都係不利多元嘅區域發展。

簡單講,一百個人可以(亦理所當然被容許)有一百種生活方式。作為政府,可以做嘅至少係包容同尊重,進一步可以係用政策鼓勵各自發揮獨特性,否則冚世界千城一面、個個倒模,有乜意思?

圖:力報