【蘇嘉豪…個page呢幾日去咗邊?】

呢幾日唔少朋友包括記者同支持者,都私底下「八卦」我個page「做乜入唔到去嘅?」係咪閂咗呀?點解唔見咗嘅?其實同騎呢選舉法有關。

自從上星期四進入所謂禁止宣傳期,我哋就跟規矩主動hide(隱藏)晒所有競選post,但公職局同選管會冇幾耐就打電話嚟提醒「仲可以search到啲內容嘅?」我問佢「hide晒啦,仲見到咩內容?」對方話「係啲參選內容囉。」其實大家都知網上世界無邊無際,我哋盡咗責任主動hide晒啲嘢,都係好難避免資料畀任何人cap咗、copy咗、share咗。到底具體係指邊啲內容?如果我今日hide咗呢兩張,聽日你又打嚟話「又見到啲嘢」,即係耍緊候選人啫,操作上的確好有難度。於是乎喺口頭溝通同書面抗辯期間,我哋索性hide咗成個page先。

記者問我有冇覺得畀人針對,我話到目前為止都係用善意角度去睇選管會同廉署嘅選務工作,始終嚴格申報、嚴格執法、嚴打賄選都係對社會有利。但首先選管會依法係臨時拉伕而唔係常設嘅,主席委員同我哋唔少街站義工其實冇分別,都係第一次接觸民主選舉;再者,舊年修改選舉法嗰陣係由行政法務司同立法會傾出嚟,選管會當時都仲未成立,但依家就要完全硬食新法。

即使法律內容有幾荒謬、有幾難操作、有幾追唔上社交媒體年代,都要頂硬上,包括規定:抽到號碼之後要即刻封嘴、議員執行職務嘅時候言論不限但非議員就可能乜都唔畀講、要remove晒禁止宣傳期之前嘅post、宣傳期間網上post嘢或者做live都要預先18日申報⋯⋯可以講係當日立法會班「尊貴議員」,玩殘緊今日嘅選管會同廉署。不過無論如何,我哋會繼續積極同選管會溝通講道理,希望到頭來唔會係一廂情願。

【句號報】蘇嘉豪將盡快重開Facebook專頁(葡文)
https://pontofinalmacau.wordpress.com/…/sulu-sou-reabrira-…/

【訊報】了空:選舉熱鬧開頭卻突然鴉雀無聲

選管會要求嚴荷不合時宜 提升選舉質素利社會發展      聚焦鏡□ 了空  本週三,立法會選舉管理委員會公佈確定被接納候選名單,(在公共大樓張貼了新一屆立法會選舉被確定接納候選名單總表),隨之進入了正式競選期之前的一個月的禁止宣傳期…

Posted by 訊報 on 2017年8月3日

【論盡媒體】蘇嘉豪:選舉法已不適應社交媒體時代
http://aamacau.com/2017/08/04/候選人網上直播要提早申報?